..........تساؤلات طفل ٢٠٢٣.......... ...............بقلم الشاعر......................... ...........محمد جمال فايد.................... ........جمهورية مصر العربية................ ....كفر شبرا زنجي الباجور منوفية.

 ..........تساؤلات طفل ٢٠٢٣..........

فين راح الأمان بالله

............... عليك يابابا رد جاوبني

لأنك حبيبي وأكثر

............. إحساس بكل اللى نايبني

شايف ياباباالرصاص إللي

......في دول جنبناصايبك وصايبني

وأطفالهم بتصرخ يابابا وأخاف

......ربك يحاسبك وبعدك يحاسبني

يرد عليه أبوه ودموعه

.على خدوده إصبرعلى البلاء ياابني

يقوله طيب وليه يا بابا

..........الإنسان بيقتل أخي الإنسان

وليه قلبه يكون قاسي

.........وشديد على كل البشر وجبان

هو فين يا بابا حكم الخلايق

.......بين الخلايق بالعدل والإحسان

وفين كلامك وانا صغير

.....بكره يا بطل دنيتك تكون بستان

وكبرنا يا بابا سوا

.......و غطى راسك بالبياض الشيب

وشفنا حاجات كتير

...........كانت يابابا في زمانك عيب

شفنا غني مرتشي

.................ومسئول بيشرط جيب

وشفنا مشايخ بتفتي

...................يابابا في علوم الغيب

وشفنا يابابا أم بتدس

..................السم في الأكل لولادها

وتقتل أبوها وأمها

...............وزوجها نكاية في حماتها

علشان عاشق خسيس

....... ..ضحك عليهابكلمتين وعجبها

وبعد ما نال مراده

..............راح لغيرها وللكلاب سابها

وعيشنا وشفنا يابابا رجال

.............حبسوا رجولتهم في زنزانة

وماتت فيهم النخوة

.............ورضيوا بذل وخسة وإهانة

وستات فقدت حياءها

.........وماشية من غيرهدومهاعريانة

خلوني يابابا أتمني أموت

...........واندفن من صغري في جبانة

رد وقال السبب يا ابني هو

....الطمع والجشع والسير وراء إبليس

والبعد عن الديانة وإهمال

.........الأسرة وتقصيرنا في التدريس

والتقليد الأعمى لشباب

.....عاش في طوكيو وأنقرة و باريس

وتخبط الدول في قرراتها

...............وتعديلها كل يوم نواميس

وكذبنا على نفسنا ووضعنا

...........أمام الحقيقة بجهلنا متاريس

وإللى على الباطل يسير

........ نحتفل به كأنه محترم وعريس

فياإبني تعالى ندور أناوانت

.........على الأمان وسط النفوس تاني

من أجل أجيال قادمة

.........أخاف عليها تشرب المر وتعاني

ونهتم بالعلوم والدين ونجعل

.......... زهوره تزين بستانك وبستاني

ونطرد الخوف والحزن

................ونملا الدنيا أفراح وأغاني

ساعتها يرجع الأمن والأمان

.....ونحقق للوطن أحلام كتيروأماني

لأني عمري وعمرك يابطل

...مهما يطول زي دنيتي ودنيتك فاني

وربي وربك هو المنتقم من كل

...إنسان منهجه غيرأخلاقي وعدواني

وسلب ونهب وقتل ونسي

.... إنه على روحه ياولدي هو الجاني

...............بقلم الشاعر.........................

...........محمد جمال فايد....................

........جمهورية مصر العربية................

....كفر شبرا زنجي الباجور منوفية.

عرض الرؤى

معدل وصول المنشور: ٣

كل التفاعلات:

١ارق ملاك