رجالة ياقسام
يامطبلين للكيان
الحق نازف دم
جنب الشهيد مذبوح
بكسر كاس الظلم
أُصرخ وثور عالعجب
عِزَك ميزانه إتقلب
واليوم كفيف وأصم
الخوف في وسط الأمان
مستني ينطق همس
عايز يقول كلام
يهز قرص الشمس
وياعيني على الشعور
إللي صرخ مذعور
على إبن اليوم والأمس
وأبوه هناك مقهور
على الأطفال الخمس
ولا حد بيه مهتم
صوت الضمير لو قام
بيقوم يومين وينام
مانعينه من الأحلام
حتى الجريح ضربوه
مانعين جراحه تلم
لكن الرجال أقسام
منهم عالصدر وسام
ولو كان القهر مُر
والظلم لو كان سام
قدام الحق يخُر
ويركع اولاد سام
عملتها يابا غزة
حفظت للأمة العزة
ورجالة بأقسام
ليست هناك تعليقات:
إرسال تعليق