السحاب!
(زجل مغربي)
السحاب يسبح عالي
ديما معلق فالسما
ضرݣ علي لمعاني
كنت نسحاب راسي مطور
وأنا غير بوجادي مهور
السحاب نزل ݣدامي
غفلني دار بيا وغطاني
ضبابة عورة تلفات طريقي
رجعت هايم بحال السحاب
الريح لي جا يديني
هكذا أصبح حالي
واش أنا سحاب ݣولو لي؟!
ولا هو لي غطا شوفتي وعماني؟!
غذا السحاب ينزل غيث غالي
غذا تزهى بيه ليام
والخير يعرف عنواني
-بقلم: محمد دومو
-مراكش/ المغرب ( 21 نونبر 2023 )
ليست هناك تعليقات:
إرسال تعليق