== قبل نهاية اخر نبضة
-----------------------------------
باكتِبلِك قبل نهاية اخر نبضه
قبل ما اشوف فى عينيهم دمعه
قبل ما يطفوا اخر شمعه
والخوف موقف
شفتى الدنيا يا حبيبتى فى سنين العتمة
احلام مكسورة فى روح الورده
الدنيا بتتغير من نبته جميله واعده
لاشواك ممتده
وانا وانتى صغار جدا ع القعده
كبار فى الحب والدنيا اهى شاهده
وبدون ما حلفلك كنتى كمنجة روحى
فى الراحة والشده
وعيونك اجمل من كل عيون الدنيا البارده
وتعالى ارسملك على شجرة بوحى
اجمل ورده
ورده ح تكبر مع كل العشاق
لما يصراحوا بعض بموده
با اكتبلك قبل نهاية عمرى بدقيقة
انتى كنتى حقيقة
والدنيا بتخلص دقيقة دقيقة
باكتبلك وف قلبي كلام
لبلاد بتبيع حتى الاحلام
تحويل النيل لوريد مقطوع
ودخول العالم ف الممنوع
وانا وانتي غلابة ومش عاوزين
غير ارض تساع البني ادمين
من غير لا بطاقة ولا تموين
وح ناخد حفنه ميه وحته طين
نهديها لكل قلوب عاشقين
===============محمدعبدالمقصود داود =البحيرة ===
ليست هناك تعليقات:
إرسال تعليق