أحلام نسمه (655)
...............
عدي يا أحلامنا بأيامنا قومي
وصي علينا
خلينا نشوف فرحه جديده
لا دموع هترجع حبايبنا
وتصحي الماتوا
فايتين جوانا صحيح
ذكرى بمره وحلاته
ليه حاسس دايما وحداني
مظلوم فى حياته
مع إني بعيش وسط حبايبي
بخريف أزماته
بهرب من الدنيا لأحلامي
لأشوف يوم فرحه
ورصيد من الوهم معايشني
أنا بطل اللقطه
ومدير متعين مجانا
بلا كارت وواسطه
وأتجوز واحده والتانيه
مانيكان مش ورطه
أنا لص نزيه عمري ما بهرب
وبطير ع الخارطه
ظابط ومهندس تلاقيني
جراح ولا غلطه
أبواب مقفوله بتفتح لي
من بصه ونظرة
أصحى على صوت نسمه
مراتي ودي فارطه وبارطه
طول ليلتك نايم بترفس
بردان إتغطى
شمر لي ذراعك همسك لك
وأدبح لي البطه
لا بتقدر تنزل ولا تطلع
دي شيلتها دي ورطه
بتسوق وأشتري وبنقي
وبجر الشنطه .
وعرفتوا أنا ليه بهرب وأجري
ع النوم وأتغطى
بقلم .. صبري رسلان
ليست هناك تعليقات:
إرسال تعليق