الجمعة، 27 أكتوبر 2023

*** خليك جدع ***

 *** خليك جدع ***

للشاعر /صابر الشناوي
خليك أقوى من الوجع
هو الجدع يبقى ايه
غير حيطه صلبه نفسها
مهما الهوا يوم زقها
ولا الرياح عفيت عليها
ومهما شافت من مطر
ولا الجيران جارت عليها
والأهل زادو في هجرها
ولا الصحاب اللي زروها
كانت دايما سترهم وسرهم
فيها اندفن ابدا تقع
هو الجدع يبقى ايه
غير قلب ابيض م اللبن
مهما مرت عليه سنين
كانت عجاف عمره
مخاف يوم م المحن
دايما مآمن بالقدر وإن البشر
دول مراحل في الحياه
بيمروا ياما كتير عليه
بس قليل اللي بيفضل ليه أثر
الدنيا دي مدرسه
ودروسهاد ياما كتير كتير
مش عيب عليك ان يعلم فيك
لازم يكون استاذ كبير
وارد قويان يعلم فيك
(...ح.. م.. ي.. ر..) كتير.
وانت بغباء فاكرهم بشر
ووارد كمان ان اللي عشت
له حياتك كلها زي الأسير
كنت يدوب في سكته
مرحله او قنطره
عدي عليها لرغبته
ومعادش بقى تفرق
انك هتفضل يوم سليم
اوي حاجه فيك تنكسر
خليك جدع واوعى
في يوم تبان ضعيف
او ينكشف جرح ضهرك للهوى
حتى الهوا اوعاه يشوف
يوم دمع قلبك اصل الهوى
بيشعلل النار بالبطيء
بيزيد حريق جوا
الحيطان المهلكه
ولا عمره يوم انقذ غريق
واللي يآمن للهوى
بيكون نهايته التهلكة
خليك جدع آمن تملي
بقسمتك وارضي بنصيبك
في الحياه واللي تلقاه
مشتريك حافظ عليه
واديله كل محبتك
واللي هونت لحظه عليه
خساره حتى تدوس عليه
لأحسن توسخ نيتك
خليك جدع مهما في خيالك
اترسم حلم يوم هتحققه
وبنيت آمالك على
وهم كنت مصدقه
وان حد من البشر
قادر بأ نه يسعدك
هتفضل دايما في الوجع
انت بس اللي باديك
تبقى أقوى من الوجع
خليك. جدع
خليك. جدع
كل التفاعلات:
صابر الشناوي وارق ملاك

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...

  • (حكم فاسد)
      (حكم فاسد) أحزاب وكتل دمرو لعراقي وشتترجه بعد من حاكم وفاسد وكلها التحچي بهل يوم وطالب وتحچي اباسم الله وصاير العابد وشباب انباع بالدولا...
  • دغدغه دغدغه
      دغدغه كل حاجه ملغبطه زاي رسمه بشخباطه والملامح مكشره والقلوب بين الضلوع دايبه هاشه مدغدغه ماتت الضحكه حتي وقت الزغزغه والفرحه جايه مجرحه و...
  • كيف أنّجو من غوصّي فيكِ
      كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...