سخن عليه راسو***

 سخن عليه راسو***

سخن عليه راسو

هو ذاك الذئب

فرعن ؤزاد ف افتراسو

نهب نهب ما خلا والو

عجباه اناه ؤفرض موالو

عاد طاغوت ؤداس ناسو

فرعن وعلى لمسكين تمجهد

عاد مشكل لسانو طويل يعربد

نسى انه كان لماضيه ...

معدومو وتراسو وخماسو

اليوم السيد سمان وعاق

وياك من المشتاق الى فاق

بعقدة النقص راه اذى الحر وكراسو

عاد بعيد ؤ على لقلب غريب

لخطفة ولفساد ملتو والتهريب

فرعون زمانو ؤمرسى ساسو

سخن عليه راسو

دخل في حرب مع الله

مخلوق هجين الطمع عماه

لآخر بيه تاجر ونسى ملقاه

باع ؤ شرى ما شبع ما كفاه

حطابة الحق ؤكلها وفاسو

بل كلها وزبانيتو وكلها وياسو

عاونوه الشمايت فاستبعد الكادح

لاعب فيه الانفصام راسو قاسح

سن قوانين تحميه وتحمي ناسو

تربية دكاكين أهل لكذوب والسياسة

لي بان عيبهم وتعرات فيهم لكياسة

قطاع حق والتغرير

ابواق الفرشي والبندير

صفقوا ليه ...

ردوا منو بعبع ؤ عادوا حراسو

حيت سخن عليه راسو

ولف يحلب من ضرع لمعزة الدم

لحرام والسحت وحلان الفم

كان شفار من بكري ...

لكذوب والتنوعير لباسو

*** الشاعر والزجال : أحمد الكندودي *** المغرب ***

كل التفاعلات:

٣٣