المسلم .. عن الآخرة .. غفلان
*********************
الليل بدون ذكر الله ويل
الويل بيجينه اللسان والعين
مفيش بمحيطنا شئ جميل
عشقت الرذيلة العيون
المسلم بهوا النفس مسجون
بزهو الدنيا وغدرها مفتون
المسلم لأخوه كله غلول
لسانه حاله نميمة علطول
بتمنى النعمة من أخوه تزول
لحد أمتى الحال ده هيدوم
المسلم بيفترى ع الله
يحسب نفسه م الله مظلوم
نسى أن الله مش ظلام للعبيد
لو الزمن للماضى له يعيد
يعرف أن اللى أتمناه كله تعذيب
اللى حاصل بواقعنا مرير
قضاء ربنا لينا كله خير
بس مفيش للنفس تغيير
نسينا خلاص يوم الدين
المسلم دمه بقا بارد وصاقع
نسى أن العذاب الله واقع
عذاب الله ليس له دافع
راحت فين بس العقول
وجودنا بقا زالزل وسيول
خلاص جيه الطوفان
المسلم عن الآخرة غفلان
محكمة ربنا مفهاش أبن فلان
*********************
بقلم
عادل جاد
ليست هناك تعليقات:
إرسال تعليق