( مصر ام الدنيا)كلمات/صبري حسين
ياللي بتتكلم عن مصر
فوق لنفسك
وأعقل القول
قبل ما تنطق إسم مصر
مصر هي الحضارة
طول عمرها منارة
التاريخ يعني مصر
تعال انا اعرفك مصر
مصر اللي اول من عرفت التوحيد
مصر أنجبت هاجر زوجة خليل الله
مصر خزائن الأرض في عهد يوسف الصديق
مصر اللي تجلي عليها رب العالمين
مصر اللي وقف علي طورها موسي الكليم
مصر رحلة السيدة العذراء وابنها عيسي عليه السلام
مصر اللي أنجبت مارية زوجة خاتم الانبياء والمرسلين
مصر اللي قال عليها الصادق الامين
استوصوا بأهل مصر خيرا
فإن لكم فيهم ذمة ورحما
قال عليه الصلاة والسلام
خذوا من مصر جند كثيرة
فهم خير اجناد الأرض
مصر طول عمرها بتضحي
من أجل امتها العربية والإسلامية
من بداية النكبة
وهي دايما بتقدم التضحية
خاضت حروب من أجل القضية
دفعت الغالي والنفيس
ضحت بالمال والأنفس
مصر طول عمرها مضحية
رجالها وجيشها قمة الفدائية
خضنا حروب كثيرة
وقفنا مع كل الشعوب العربية والإفريقية
وقفنا مساندين ومناصرين لكل الثورات التحررية
حرب فلسطين
ثورة اليمن
دماء جنودنا روت اراضي كتير
في كل شبر من ارض وطنا العربي الكبير
كنا مساندين لكل قضايا الانسانية
علشان تعرف قيمة مصر
دخلوا علينا كتير مستعمرين
حاولوا يغيروا الهوية المصرية
خرجوا من مصر منكسرين مهزومين
واحنا طلعنا منتصرين
محافظين علي لغتنا العربية
فاخورين بهويتنا الإسلامية
مصر اللي بتحترم كل الأديان السماوية
مصر اللي رجعت للكل الهيبة
بعد سنين من الوكسة والخيبة
ياللي بتتكلموا عن مصر
مصر اللي علمت وبنت كل الدول العربية
ايام ما كان الكل عايش في خيمة
عايش حياة بدائية
كانوا المصرين عايشين في فلل وقصور
كانت حياتهم وردية
مصر كانت بترسل البعثات التعليمية
حتي مرتبات البعثات كانت من الخزينة المصرية
مصر اللي عالجت
مصر اللي بنت وعمرت
مصر اللي كانت بترسل كسوة الكعبة
بتقدمها بكل محبة
مصر اللي كانت لها تكية
مصر طول عمرها أيدها سخية
مصر لها الفضل علي كل اللي حولها
فوق لنفسك انت وهو وهي
بلاش تتعامل مع مصر بعنجهية
عمر ما مصر منت علي حد
ولا تخطت الحد مع حد
مصر دايما علي العهد
المدافع الاول لكل القضايا العربية
وأولها القضية الفلسطينية
عايز حد يطلع يقول
مين اللي قدم المال والولد
غير مصر قلب العروبة
مصر ام الدنيا
ياللي بتتعايق بالمال
عمر المال ما صنع رجال
مصر منبت الابطال
مصر مصنع الرجال
مصر الشهامة
مصر الكرامة
يارب تفهم انت وهي
خير مصر علي كل الدنيا
مصر ام الدنيا وهتفضل ام الدنيا
مصر دايما فاتحة دراعتها
لكل من يعرف قدرها وقدر أولادها
لكن اللي يفكر يدوس علي طرف توبها
ملوش غير الدوس بالنعال
مصر بتحترم وتقدر اللي يحترمها
مصر هي مصر
هتفضل طول عمرها منارة
مصر هي مهد الحضارة
اصل المدنية
اياك تنسي نفسك
لما تتكلم عن مصر
الزم. ادبك
اعرف مكانك
مصر خيرها فوق راسك
مصر يا اعظم البلاد
دمت آمنة للعباد
مصر اللي ذكرها الواحد الديان
في أكثر من موضع في القران
وخصها بتجليه علي أرضها الرحمن
مصر أرض كل الأديان
اهلها دايما في وحدة ليوم الدين
عمرنا ما قولنا مسيحين ومسلمين
حتي اليهود كانوا عايشين بنا آمنين
كلنا بنقول احنا مصريين
مصر يا ارض الحدود
حبك ملهوش حدود
تحيا مصر تحيا مصر
يارب احفظ مصر وأكتب لها النصر
صبري حسين
ليست هناك تعليقات:
إرسال تعليق