فؤاد موجوع

 فؤاد موجوع

عليكي يا غزه متقطع

بيبكي دموع

عايز يصرخ بصوت مسموع

عايز يهتف يقول لأه

كفايه خضوع

عايز يقتص م الجاني

عايز يثأر لاخواني

ف كل مكان واي ربوع

بمر وقهر متشبع

يكفّي الكون لو اتوزع

ونبضه بيشكي متوجع

ما بيدقِّش ده بيرزَّع

يقول امتى الحقوق ترجع

يقول امتى الضمير يسمع

اهات موجوع

يا شعب رخيص عامل ازمه

وجيش مهزوم مالوش لازمه

وكل الدنيا ليك عارفه

دراع مهزوز وايد راجفه

ده ندل خسيس مالوش وصفه

على العُزَّل بيستعفى

وأد مولود قتل طفله

وجرحى كمان ف مستشفى

كيان غاصب ومش مشروع

يا عالم مايله فيه الدفه

وظلمه طبه بيه الكفه

يا دنيا عاميه مش شايفه

قلوب م الحق ليه خايفه

وفاكره الدنيا دي دايمه

مفيش اخره وقيامه قايمه

وعايشه خنوع

عشان صوتنا يكون مسموع

جبينها يا ناس يعيش مرفوع

ما نمشي ف سكه مالها رجوع

لابد نكون ايدين واحده

ترد الظلم ليه صاده

وتجمع صفنا الأُلفه

نفوسنا لبعض يوم تصفى

هنلقى الليل يزول يخفى

ويلقى الفجر فينا طلوع

فؤاد موجوع

بقلمي/ خالد جمال ٢١/١٠/٢٠٢٣

عرض الرؤى

معدل وصول المنشور: ١٦

كل التفاعلات:

١ارق ملاك