مجلة نداء الرؤح لفرسان الكلمات

 رباعيات لأحمد شاهين

أنا كُنت فاكر نفسى

م الأعيان

أكُل وأشرب وألبس

كله بالمجان

أتارينى عصفور

بلقّط حبه ورا حبه

لو نِمت حبه

تاكُلنى صقور على غِربان

#وعجبى

الحرب تهدم أمم

ولا عمرها تعّمر

والشعب يدفع

تمّن والسلطه تتأمر

غالى تراب الوطن

لو حتى كان وحلا

لا الغُربه تِحلا

ودا مهما تلِف وتدوًر

#وعجبى

صواريخ بتهدم بيوت

بنشوفها ع الشاشه

واللى بيّضرب (طاغوت)

قاعد كدا باشا

أطفال وسِتات تموت

حبسوا الضمير فى تابوت

إحتلوا كل العرب

وغزّه (كماشه)

#وعجبى

كلمات أحمد شاهين

عرض الرؤى

معدل وصول المنشور: ١٠

كل التفاعلات:

٢Ahmed Mohamed Ahmed Shahen وTghred Ahmad