السبت، 23 سبتمبر 2023

 اغنية. معقوله دى النهايه

أدهم عبده مجلى
أدهم العوضى
★★★★★
قلتلك م البدايه عرفتك خط سيرى
لو قلبك كان معايا راح اغنى ليك يا طيرى
مبروك مكتوب اقولها
وأنا قلبى فيه وجع
هاحكى القصه بفصولها
وهاقول مين اتخدع
معقوله دى النهايه هتكونى لحد غيرى
قلتلك م البدايه عرفتك خط سيرى
★*★*★*★
كنت باقولك كلام وتقولى الله عليك
عيشتك فى الغرام وغرامى انا عيشته ليك
لكن برده الظروف كانت أقوى واكبر
وحكيتلك كل حاجه قلتيلى لأ هتقدر
على كل صعب ييجى وايديك دايما فى ايدى
يا اللى بتجرى فى وريدى
وفى عقلى وفى ضميرى
معقوله دى النهايه هتكونى لحد غيرى
قلتلك م البدايه عرفتك خط سيرى
★*★*★*★
عدت فترة غرامك وبدأتى خلاص تفوقى
خلص الحلو فى كلامك مابقاش دم فى عروقى
ماهى فتره خلاص وعدت
عشتيها ودوبتى فيها
وعنيكى عليا ردت
وسنين عمرى تبيعيها
وحلمتى بحب تانى قلبك آسى وانانى
روحتى له وفى ثوانى
متشوفى فى لحظه خيرى
معقوله دى النهايه هتكونى لحد غيرى
قلتلك م البدايه عرفتك خط سيرى
★*★*★*★
قصه ودايما نعيشها وكتير حاصله مابينا
عن واحد حب واحده وبندعى الله يعينا
او واحد حب واحده
ورجع سابها وخان
اديت له احلى لحظه
وسرق منها الحنان
والقصة ما تنتهيش حاصله ولازم نعيش
يا حبيبتى ما تزعليش
لما احدد مصيرى
معقوله دى النهايه هتكونى لحد غيرى
قلتلك م البدايه عرفتك خط سيرى
لو قلبك كان معايا راح اغنى ليك يا طيرى
★★★★★
الشاعر الغنائى
أدهم عبده مجلى
(أدهم العوضى)
كل التفاعلات:
ارق ملاك

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...

  • (حكم فاسد)
      (حكم فاسد) أحزاب وكتل دمرو لعراقي وشتترجه بعد من حاكم وفاسد وكلها التحچي بهل يوم وطالب وتحچي اباسم الله وصاير العابد وشباب انباع بالدولا...
  • كيف أنّجو من غوصّي فيكِ
      كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...
  • دغدغه دغدغه
      دغدغه كل حاجه ملغبطه زاي رسمه بشخباطه والملامح مكشره والقلوب بين الضلوع دايبه هاشه مدغدغه ماتت الضحكه حتي وقت الزغزغه والفرحه جايه مجرحه و...