اغنية (حاجه نقصانى)
أدهم عبده مجلى
(ادهم العوضى)
★★★★★
لما بابعد عن عنيكى
والقى روحى رايحه ليكى
ليه يا روحى معذبانى
ليه بترضى تجرحينى
اشتريكى وبتبعينى
يا اللى قربك ضى عينى
والرضا مخلوق عشانك
قربى منى تلاقينى
طالب الود اوصلينى
وفى زمانك او سنينى
جوه قلبى يكون مكانك
★*★*★*★
اه فى بُعدك حاجه نقصانى وبعيده
يا اللى بعدك روحى نسيانى وشريده
ردى ليا الروح تعالى
وامسحى دمعى اللى غالى
او تجاوبى عن سؤالى
سايبه ليه قلبى حزين
اصلى شايف فيكى لسه
لما تبقى عليا باصه
نظرة العين بيا حاسه
والعينين بقوا مشتاقين
لما بابعد عن عنيكى
بالقى نفسى حد تانى
بالقى روحى رايحه ليكى
ليه يا روحى معذبانى
★*★*★*★
يا اللى خايفه إن الزمان يجرح القلب الحزين
مانتى شايفه فيه امان لو هاسيبه اومال لمين
ده الحنان مخلوق لقلبك
ياللى خدتى الروح فى حبك
مش هالومك او هاعاتبك
قلبى بيقدر ظروف
ماأنتى برده ملكى روحك
قلبى هيداوى فى جروحك
والكلام لو كان فى بوحك
مش هتلقى معايا خوف
لما بابعد عن عنيكى
بالقى نفسى حد تانى
بالقى روحى رايحه ليكى
ليه يا روحى معذبانى
★★★★★
أدهم عبده مجلى
(أدهم العوضى)
ليست هناك تعليقات:
إرسال تعليق