عطشان

 عطشان

ولفيت سبع بحور

وسبعين بير

وفي أخر بير طلعتلي

تقولش حور عين

الوجه زي القمر

والشعر ناعم حرير

انسيه ولا جنيه

قالت أنا هدير

وعيونها سحبتني معاها

وخدتني جوه جوه البير

بير مالوش قرار

علي فين وخداني ياهدير

قالت اسكت تتكلمش

فرشالك قلبي بالحرير

تقعد هنا

وتسكن معايا يا أمير

وضحكت ضحكه حلوه

جننتني وخوفتني

وقالت بص لأسمي وأسمك

احمد و هدير

قصة مكتوبه ياسمو الأمير

اقعد في حضن قلبي

وأحكيلي بقي ياأمير

لفيت وعرفت وحبيت

وفي الأخر وقعت في البير

هاتحبني وتعشقني

وتوب علي ايدي يا أمير

بس خلي بالك

موتك في بعدك عني ياأمير

وحياتك ياهدير

ما انا طالع من البير

هنام واتغطي بشعرك الحرير

ومن حضن قلبك الدافي

مش طالع ياهدير

حتي لو قالوا وقعت ياكبير

هقولهم ايوه وقعت في حبك

وغرقت كمان في البير

أحبك ياهدير

بقلم

احمد محمود

من ديوان سكة العاشقين

عرض الرؤى

معدل وصول المنشور: ٥٢

كل التفاعلات:

٢فهدالصحراء الجرئ وارق ملاك