اغنية (صفحة النسيان)
أدهم عبده مجلى
(أدهم العوضى)
★★★★★
بتنسانى وتبعد ولأ عامل كمان زعلان
ولو تقدر وتعند هتبقا فى صفحة النسيان
تعالى ارجع لحبى وجرب شوقى وحنينى
و بأحلفلك بربى هأشوفك زى نور عينى
واحطك جوه قلبى وتبقا تاج على جبينى
ده حبك هو ذنبى
ليه سبت القلب ليه حيران
بتنسانى وتبعد ولأ عامل كمان زعلان
★*★*★*★
بتبعد عنى وتقولى
أنا لسه جديد فى الحب
على شوقى وبتعلى
تقول لسه ماجاش فى القلب
ما جاش فى القلب ازاى بس
ولا شوقى معاك اتحس
ده كل ما فيك كده بالنص
يقول إنك فى حالة حب
★*★*★*★
يا خوفى الحاله ديا متبقاش يوم عشانى
وتبقى لحد غيرى وتبقى لحد تانى
هتدخل صفحة النسيان
وتبقا شئ كأنه ما كان
وهنبدل زمان بزمان
ما دام قلبك كده انانى
تعالى ارجع لحبى وجرب شوقى وحنينى
وبأحلفلك بربى هأشوفك زى نور عينى
واحطك جوه قلبى وتبقا تاج على جبينى
ده حبك هو ذنبى
ليه سبت القلب ليه حيران
★★★★★
أدهم عبده مجلى
(أدهم العوضى)
ليست هناك تعليقات:
إرسال تعليق