الحب
مش كلمه
ولا نظره ولا تنهيده
ولا غنوه
ولا كلمتين في قصيده
ولا سهره
في ليله قمره
مع نغمه حزينه
الحب
عهد وعقد ما بين اتنين
الحب
روح واحده مابين جسدين
ابص في عينها
اشوف نفسي
وهي تشوف الدنيا بعيوني
اشم ريحة أمي في أحضانها
وأمان الدنيا في احضاني
بلمسة ايد علي شعرك
الاقي نفسي جواكي
تبصي في عيني ولو ثانية
تلاقيني كتاب مفتوح
وقلبي في أيدها بيفرفر
زي الطير المدبوح
اغير عليكي من نفسي
اغير حتي من همسي
اغير حتي من حضني
ضميني يانور العين
الحب عهد وعقد
ما بين الأتنين
غير كده
يبقي تسالي وتضييع وقت
بقلم
احمد محمود
من ديوان سكة العاشقين
ليست هناك تعليقات:
إرسال تعليق