بحبك ليه تبكينى
شعر عامية
========================================
بحبك ليه تبكينى
دانابعشقك من قبل ماأشوفك
حبيت ترابك وأكلت من خيرك
ودفيت فى شمسك وشربت من نيلك
ولما كبرت حبيت أرد لجميلك
واديك عرقى ودمى ولاأشيلك همى
حبيت أمسح عنك دموع الهم
وأكحل عيونك وامسح تراب الاسى
وأزود جمالك وأكتر فى خيرك
حبيبتى خدينى فحضانك وبرمشك تغطينى
لقيتك نكرتينى وعنك بعدتينى
وعيونك الحلوه قسيت يااماى ضمينى
دناابنك ولحمك ودمك وعروقى من طينك
مين اللى قساكى على ولادك
مين الى خدعوكى مين الىنهبوكى
داناابن بطنك طب شوفى لونى من لونك
وتوبى من قطنك ولحم كتافى من خيرك
طب بصى لدموعى تلاقيها من نيلك
____________________
من ديوان اعرف انك تتالمين
شعر/محمود عبد المتجلى عبد الله .
ليست هناك تعليقات:
إرسال تعليق