البدله الميري (619)
...............
شهرين وأنا أعافرأجيب ورقة
وختم وتقرير
ومن بعد النوم للعصريه
بجناح وهطير
ولبست الميري يا واد عمي
وع الجمر هسير
نسوني الدنيا ورقيتها
إنشف يا عويل
تهذيب إصلاح تطلع راجل
عقلك موزون له قرار عاجل
نفسك مقطوع حاول تاني
ميه كيلو ده مارثون ع الطاير
بالأمر هتاكل بالحته
وبيادتك تبرق لمعيتها
ذقنك محلوقه لا أشوف شعره
والهدمه نظيفه فى زهويتها
ولا يوم من أيامك يا أمه
ياما إتبطرت لأكليتها
كان أيه مصبرني على الميري
غير شرف الخدمه ودعويتها
فى وشوش الناس صورتي وبانت بطل أجمل لقطه فى حتتنا
مصنع أبطال متشال ع الراس
برواز ع الحيط نور بيتنا
ولا عاد فيه حماده ولا توتو
ولا عاد يتسمى بحيليتها
دي البدله الميري وحكايتها
بقلم .. صبري رسلان
ليست هناك تعليقات:
إرسال تعليق