زجلية تحت عنوان: رسالة سلام ***

 زجلية تحت عنوان:

رسالة سلام ***

يا جارة

واش فهمتي الرسالة

راه حنا خوت

يد في اليد حتى الموت

جزائري ومغربي كاع رجالة

فبلا ما نشرح ليك بالخشبات

خاوة خاوة وبالفرحات

وفي اتحادنا نقهروا لعدى

ذوك لشبعوا فينا بيع وشرى

تريكة الروم والغوالة

يا جارة

قلب لمغاربة زين

لا بغضاء كريم حنين

توحشنا الجمع ...

فطفي ذيك النار الشعالة

لي شعلوها الحقاد

فرنسا وكلبهم السلوكَي الصياد

لي نهب وقتل ؤما خلا احفاد

غدا ندسوهم وصدورنا عريانة

كاملين ولاد توبقال

تاريخ وحضارة عمام وخوال

عار يسخروا منا كلاب الكارة

يا جارة

سمعي وحلي وذنيك

تعمار الشوارج ما يليق بيك

عنداك وعنداك من لحراشة ...

لي في بلادنا داروا بهدالة

بل سمعي لملك النماء

منا ما يقيسكم ضر ولا داء

عار نكونوا طعم لكل حثالة

تقادي واجي نيشان

لحدود مفتوحة بالحب والحنان

ضربي كل انتهازي والطبالة

جامي منا تصيبكم الاذية

السلم والاخاء ليكم بْرية

فمسح ذيك لعقلية وتعالى

هذي بلادك الثانية

مغرب السماحة بلا مزايدة

فما يدخل بين لحم والظفر...

الا لوسخ ووجوه الصندالة

يا جارة

*** الشاعر والزجال: أحمد الكندودي *** المغرب ***

كل التفاعلات:

١١