اغنية (عتابى محبه)
أدهم عبده مجلى
(أدهم العوضى)
★★★★★
ياللى بعادك جراح
خلى ما بينا السماح
محتاجه انسى الاسيه
وارجع لى وداوى جرحى
رجعنى اعيش فى فرحى
ده عتابى ليك محبه
وكلامى بصفو نيه
★*★*★*★
جرحت فى قلبى وانت كنت الحاكم عليه
كترت دموع عنيا ما اعرفش عملت ايه
بتقولى غلطت فيك
وانت الفاهم غلط
دول قالو زمان حبيبك
يبلع لك الزلط
وراجع بتلوم عليا وتقول هانسى الاسيه
جرحك ليا كبير محتاجه ابعد شويه
يا اللى بعادك جراح ورضيت بالجرح ليا
خلى ما بينا السماح محتاجه انسى الاسيه
★*★*★*★
أنا هابعد لآجل اجيلك
مش فاكره ظلم منك
وفى رمش العين هاشيلك
والهم هاشيله عنك
بس أهدى من اللى كان
علشان تلقى الحنان
متشال لك جوه قلبى محتاجه ارتاح شويه
يا اللى بعادك جراح ورضيت بالجرح ليا
خلى ما بينا السماح محتاجه انسى الاسيه
★*★*★*★
زمان كان قلبى ملكك من غير سعر وتمن
وهيفضل بردوا ملكك مهما طال الزمن
وأنا قلبى قيمته غاليه
و اديتهولك هديه
نسينى الجرح منك محتاجه افرح شويه
يا اللى بعادك جراح ورضيت بالجرح ليا
خلى ما بينا السماح محتاجه انسى الاسيه
وارجع لى وداوى جرحى
رجعنى اعيش فى فرحى
ده عتابى ليك محبه وكلامى بصفو نيه
★*★*★*★
كلمات/أدهم العوضى
أدهم عبده مجلى
ليست هناك تعليقات:
إرسال تعليق