ان كنت
عايز ترتاح
وتعيش سعيد ومتهني
وتنسى همومك والاهات
نصيحة لوجه الله
كل ماتتكلم معاك
تصك على اسنانها
وكانها عايزة تقطعك
وان كنت تتمنى
الحياة الحلوة الهنية
اتجوز وحدة نكدية
لاتفه الاسباب
تثور وتغضب
تعيط وتزعوط
تصرخ وتولول
وكأنك قاتل لها قتيل
ولما تكون عايز تشعر
بنعيم الحياة
والهدوء والسكينة
ماتنساش تتأهل بوحدة مسترجلة
تحب السيطرة والتملك والعنجهية
وتكون دايما مكشرة
ووجهها مايضحكش للرغيف السخن
عشان تثبتلك انها هي الراجل في البيت
وكلمتها هي الماشية
وان كنت حابب الرومانسية
ماتاخدش غير النقاقة
طول ماهي قاعدة
واذاعتها شغاله
اه ياراسي اه يابطني
اه ياضراسي وقع المشط من راسي هرت رموشي اه يالهوي معدتي بتوجعني اه سنتي بتؤلمني واه وكمان اه
وتخلي يومك سعيد
وتعيش عمرك قصير لانك هتسبق صبر ايوب
وان كنت ناوي تعيش بامن وامان وسلام كمان
ماتختارش الا الانسانة القنوعة المتواضعة
دايما تذكرك انها رضيت في البين والبين مارضيش بيها
وعلى طول تفكرك وتقولك
ياما جاب الغراب لامه
وتصرخ باعلى صوتها وتقول
ياريتني اتنيلت
وماتجوزتش الجيزة المهببة دية
صدقني ان عملت بنصيحتي ونفذتها
تكسب لك قصر في الجنة
نتيجة صبرك وتحملك
على المصيبة والبلوة
اللي اسمها زوجتك
ربنا يغفرلك سيئاتك
ويزيد في ميزان حسناتك
ويعوض صبرك خير
ويعيشك في جنات النعيم
اللهم الهمنا الصبر
وامنحنا العزيمة
عشان نلقاك وانت راض عنا
عارف البديوي
ليست هناك تعليقات:
إرسال تعليق