أمسيات الحسن. .4/ 4/ 2023

 أمسيات الحسن. .4/ 4/ 2023

( تذاكر يا هانم )

بقلم الشاعر: حسن حلمى

تذاكر يا هانم

تذاكر يا بيه

ويلا نشوف فى الحياة حصل ايه

دى دنيا وفيها

الوشوش بالرتوش

ما تعرفله شكل ولا حتى لون

وتسأل

يقولك

معاك كام جنيه

لنعرف سعادتك وندى التمام

ولو مش

معاك

راح تبات باللومان

وكله يعدى علينا بسلام

وبعد ده كله

نشوف بالمنام

منارة تنور وزينة بميدان

لتضحك عيونك

تقول يا سلام

دى دنيا وفيها العجب والعجاب

محافظ

بجلد

ومحافظ قماش

وناس راح تبات على الرصيف للمعاش

واهو

اسمه عاش

حتى لو كان يومين

ليفضله منهم يادوب قرشين

تذاكر يا هانم

تذاكر يا بيه

وقبل ما تغلا بناخد جنيه

ولو حد سألك

فى ايه حصل ايه

تقوله بنضحك على البهلوان

عيونه

حزينه

ويرقص كمان

وعلى الحبل يمشى وأيده تبان

وضحكه

بصوته

تهز المكان

وكله يسقف ويضحك كمان

تعالى

يا هانم

تعالى

يا بيه

وشوف بالزمان ده ايه حصل ايه

بقلم الشاعر : حسن حلمى

عرض الرؤى

معدل وصول المنشور: ٧

كل التفاعلات:

١ارق ملاك