وبعدين

 وبعدين

معاك ياموت

عامل زي الصوت

سريع وبتفوت

ولا احم ولا استأذان

وانا الضعيف

وانا الأنسان

مخلوق سريع الغضب

لكن في النهاية انسان

القلب قلب حمامه

وبعيش

علي الذكري وعل النسيان

بحب دايما بكره

وبكره مالوش امان

عامل زيك ياموت

مافيش منه امان

اخذت اعز مالينا

وسايبنا للاحزان

بس لو تدينا انذار

طب هاتعمل ايه ياغلبان

هاتروح مكان تاني

وعندك كذا انذار

شعرك اهو ابيض

ادي اول انذار

طيب والشباب

ياراجل وحد الرحمن

دي من علامات الساعة

وقوم وجهز كفنك

واتنفس قوي كمان

يمكن بكره تكون جنازتك

وتقابل الرحمن

ياسيدي وانت وعملك

ويا تبقي جنة خلد

او جحيم ونيران

وقوم راجع حساباتك

ورد قوام المظالم

فرب العباد

لا يعرف النسيان

احمد محمود

من ديوان سكة العاشقين

عرض الرؤى

معدل وصول المنشور: ٤١

كل التفاعلات:

٢ارق ملاك وشخص آخر