مصر يا أجمل بشارة
( عامية مصرية )
بقلمي/ أشرف محمد السيد
* مصر يا أرض الحضارة
جنب مادنة وجوا حارة
حتى ديكك قام بيدن
والفراخ بيضة و وزارة*
* مصر يا بحر الأماني
غنوا فى حبك أغاني
الجمال ساكن ف أرضك
حلو صابح شكل تاني*
* للعروبة إنتي خالة
أم هاجر مش عِوالة
فى التاريخ والوحي إسمك
ليك مهابة وفيك جلالة*
* مصر يا أرض الأمان
فى الحواري ف الميدان
شهد نيلك يروى أرضك
بالمحبة وبالحنان *
* مصر شاهد أو شهيد
يحمي أرضك بالحديد
مهما قال الواطي عنك
وحدتك تفضل تزيد *
* مصر يا شمس العروبة
تبني مجدك طوبة طوبة
والتاريخ ع النصر شاهد
ع الجوازة وع الخطوبة*
* شايلة هَمك هَم غيرك
والجميع طمعان ف خيرك
وإللي مش واعي لكلامي
يفتكر شمسك وطيرك *
* مصر يا أرض الكنوز
شعب صابر عيشة لوز
يسرقوكي ، ينهبوكي
إللي بيحبك يفوز *
* مصر يا شعب الفكاهة
مش عباطة أو تفاهة
حتى شمسك لما تضحك
ترقص الأزهار معاها *
* مش راح أكدب أو أجامل
حتى نقصك زاهي كامل
طعم خيرك ضاقوا غيرك
ف التكية وكرش حامل*
* بفتخر والإسم مصري
أرضها بيتي وقصري
شعبها حامد وشاكر
عشقها ف القلب يسري*
"-""-"-"-"-"-"-"-"-"-"-"-"-"-"
بقلمي
أشرف محمد السيد
ليست هناك تعليقات:
إرسال تعليق