(إسألوا حبيبي)

 (إسألوا حبيبي)

إسألوا حبيبي عن حبي وحلاوة غرامي

واسألوه قد إيه كان حناني

وقد إيه كانت فرحة لقانا

وقد إيه الكون گان بيفرح بهوانا

قد ايه كنا بنشوف في نفس الليله حلمنا

هو نفس الحلم وكنا بنكمله لبعضنا

وإسألوا قلبي عن حالي في غيابه

وإزاي بأعيش ايامي في بعاده

وإسألوا عن حياتي من غيره قد إيه مابتساويش

وياريت تحلفوا روحي تقول الحقيقه وماتخبيش

الجرح في بعده بيعذبني ومين غيره يداويني

حبيبي هو الحنان كله وهو الحب ذاته

هو كل حبايبي ومستحيل انسي غرامه وأقدر علي بعاده

هو دنيتي الجميله واعز الناس عندي

ولغيره الإحساس والمشاعر ماتوا في قلبي

إسألوا عيوني ليه في بعده مابيناموش

وإسألوا دموع عينيا علي خدودي ليه مابينشفوش

امتى حبيبي يرضي عليا ويهنيني قربه ووصاله

ويحن عليا وينسي سبب خصامه

كلي امل ترجع ليالينا الحلوه من تاني

ونتعاهد سوا مانغيب عن بعضنا ثواني

وتتبدل دموع الحزن بدموع فرحة لُقانا

والأيام تفرحنا والليل يهنينا ويطول معانا

وخصامنا مستحيل يعرف تاني طريقنا

وتعود الضحكه اللي كانت غايبه عننا

وترجع تسكن تاني قلبنا وتنور كل ركن في عشنا

مليش في الدنيا غيره هو حبيبي ونصيبى

ومن غدر الأيام مين غيره يقدر يواسيني

خواطر (اشرف الدغيدي)

حقوق النشر محفوظه

عرض الرؤى

معدل وصول المنشور: ٣٢

كل التفاعلات:

١١