فيكم الليلة مولود !؟"

 فيكم الليلة مولود !؟"

.........

"طب يا معشر يهود ،، قد ظهر اليوم نجم أحمد " ..!

في إيه مالك ..!!!

ظهر نجم أحمد إللي مش بيظهر إلا لو خرج ..

مين المولود دة بقي !؟

سيد المرسلين وحبيبنا الكريم محمد ﷺ

قبل ما النبي ﷺ يُولد ،،

واحد من يهود يثرب قال يا معشر يهود ،، قد ظهر اليوم نجم أحمد ..

ليه !؟

لأن يوميها ظهر نجم لامع مميز ومختلف في السماء ،، له مواصفات معينة كان اليهود عارفينها ومستنيّنها ،،

فلما ظهرت عرفوا إن النبي المُنتظر قد وُلد في هذه الليلة ،،

وبدأوا يستبشروا بقدومه ،، ويستنوا ظهوره ،، ويفتخروا إنهم هيعيشوا زمانه ،،

نفس المشهد، اتكرر لكن في مكة ..

واحد يهودي عايش في مكة ،، وراح فجأة لمجلس قُريش وسأل بأعلى صوت:

يا معشر قُريش هل ولد فيكم الليلة مولود !؟

رجال قريش ردوا عليه وقالوا إنهم مش متأكدين،،

ففرح اليهودي جداً واستبشر إنه لو ماكانش المولود اتولد من العرب فممكن تكون ولادته في بني إسرائيل هتبقى أكبر..

قال:

"أما إذا أخطأكم فلا بأس، انظروا واحفظوا ما أقول لكم:

الليلة وُلد نبي هذه الأمة الأخيرة،،

وبين كتفه "ختم النبوة "..

علامة بين كتفي الرسول مذكورة في كتب اليهود عشان يميزوا بها آخر نبي ..

رجال قريش كلهم كانوا مستغربين أوي من كلام اليهودي دة !!

سألوا مين الطفل اللي اتولد الليلة دة !!

فعرفوا ان وُلد لعبدالله بن عبد المطلب طفل و سمّوه محمداً"..

راحوا لليهودي وقالوله اللي عرفوه ،،

فاليهودي صمم يشوف الطفل دة !

راح اليهودي ورجال قريش للسيدة آمنة وقالولها ممكن يشوفوا طفلها ،، فأذنت لهم ،،

وكانت المفاجأة ايييييه

لما اليهودي كشف كتف سيدنا النبي فشاف العلامة إللي حكى عنها!

ُأُغمي عليه من الصدمة!!

ولما فاق قال:

"قد ذهبت والله النبوة من بني إسرائيل، فرحتم بها يا معشر قُريش، والله ليسطون بكم سطوة يخرج خبرها من المشرق والمغرب"..

يوم مولد النبي ﷺ

ماكانش يوم عادي ...

حصل فيه أحداث كتير ،،

معظم الأحبار والرهبان اللي فاهمين اللي كان مكتوب في الكتب السابقة بشكل صحيح كانوا عارفين إن سيدنا النبي هيظهر بأحداث دقيقة جداً

فالله عزوجل فضله علي العالمين ،، وجعله خاتم الأنبياء والمرسلين ،،

معلم البشرية في كل زمان ومكان ،،

يعلمنا فضائل الأخلاق ،، وأفضل الأعمال ،،

فهو لنا الأُسوة الحسنة ،،

هو سيدنا محمد ﷺ

الله عزوجل اختص نبيه بالرعاية الشاملة من اللحظة الأولي لولادته ،،

وهيأ له من الأمور ما يؤهل شخصيته لتحمل أعباء الدعوة الخاتمة للرسالات الموجه للعالمين ،، المستمرة لقيام الساعة ،،،،

إسمه ...

محمد بن عبد الله بن عبد المطلب بن هاشم بن عبد مناف بن قصي بن كلاب بن مرة بن كعب بن لؤي بن غالب بن فهر بن مالك بن النضر بن كنانة بن خزيمة بن مدركة بن إلياس بن مضر بن نزار بن معد بن عدنان..

وينتهي نسبه إلي سيدنا إسماعيل بن سيدنا إبراهيم عليهما السلام ،،

" آمنة بنت وهب " أم سيدنا محمد ﷺ

بعد ما حملت في سيدنا محمد ﷺ بكام شهر ،، زوجها " عبد الله " مااات !!

وجه وقت الولادة..

سيدنا محمد ﷺ إتولد يتيماً ..

إتولد امتي سيدنا محمد ﷺ !؟

= في عام الفيل ..

على أرجح الأقوال إنه كان يوم الإثنين ،، اثنا عشر من ربيع الأول ..

ويُقال اليوم الثامن من ربيع الأول

ويُقال اليوم التاسع من ربيع الأول

أول ما سيدنا محمد إتولد ،، آمنة بنت وهب " أمه " ندهت علي جده " عبد المطلب " ،،

عبد المطلب أول ما شاف سيدنا محمد لقاه طفل شكله جميل اوووووي ..

و الأوضة إللي كان فيها اتملت كلهااا نور ،،

وإللي حضروا الولادة كلهم شافوا النور ده ،، وبقوا يحكوا للناس عن النور إللي شافوه

آمنة قالت لجد النبي ﷺ "عبد المطلب " ،،

إنها محستش بحمل خالص ،،

حملها كان خفيف ومكنش فيه أي تعب ،،

وشافت آمنة رؤيا قبل ما تولد ،، شافت إنها هتولد ولد وهيخرج معاه نور يملأ الارض لحد ما يُضيء قصور الشام

فعبد المطلب فرح اوي وحس ان الطفل دة هيكون هو النبي المنتظر

فقال إنه هيسميه " محمد " ..

والإسم ده مكنش حد بيسميه قبل كده أبدا ،، لحد وقت قريب جدا قبل ولادة سيدنا محمد ﷺ ،،

طبعاً كان أهل الكتاب بيقولوا إن في نبي هيخرج قريب ،، والزمن ده زمان نبي وهو اسمه محمد ،،

فسمع الكلام ده كذا واحد ،،

فكل واحد منهم سمى أول مولود له محمد ،، لعله يكون هو المقصود ،،

وكان من إللي سمعوا الكلام ده عبد المطلب ،،

فلما اتولد له حفيده سماه محمد على أمل إنه يكون هو النبي المذكور،،

أهل قريش بقي راحوا سألوا عبد المطلب إنت سميت حفيدك إيه !؟

قالهم : محمد ..

فاستغربوا الإسم اوووووي وقالوله:

ليه سميته اسم مختلف مكنش موجود في أسماء حد من أبائك أو أجدادك !!؟

فقالهم:

أنا أرجو إن أهل الأرض كلهم يحمدوه

ففي اليوم السابع من ولادة سيدنا محمد ﷺ ،، عبد المطلب ذبح الذبائح له ،،

وختنه على عادة العرب في ختان أبنائهم،،

ووجد أقوال تقول إن النبي ﷺ ولد مختون ..

الله اعلم

سيدنا محمد ﷺ من صغره مش هيتربي مع أهله !!

ياتري هيتربي مع مين !!؟

تابعوا السيرة

عرض الرؤى

معدل وصول المنشور: ٣٧

كل التفاعلات:

١محمد إبراهيم درويش