صمي آذانك يا أمي
عن سمع صوت الجيران
يمكن أسرار بيقولوها
زي ما علمتين زمان
الجار له حق عليا
و لو يوم احتاج يا أمي
افتحي لهم البيبان
نقسم اللقمه يا أمى
ترضي أنه ينام جعان
افرشيله جنب مني
وافتحى قلبك كمان
اعتبريه زي ابنك
رسولنا وصى على الجيران
حتى ظنوا الصحابه
انه يورث معانا كمان
اللي بيفرقنا طوبه
له عليا حقوق كتير
حق الجيره ودا كبير
غير حق الإنسانيه
المعامله تكون بضمير
لسه الأخوه في الإسلام
ربي عالم بنا و بصير
آسف ياأمي لما أقولك
تعليمك ليا و أنا صغير
ربي يصونك يا إبني
انت لسه في نظري صغير
بس لما تخاف على جارك
بقيت في نظرى ياواد كبير
(((أسامه جديانه)))
ليست هناك تعليقات:
إرسال تعليق