والله ياامى لو اجتمع كل البشر
وحسوا بيا وغيرك انت ماانتظر
قلبك بيدعى ليه فى كل وقت
وفى كل صلاة من الغروب حتى الفجر
طول عمر قلبك بالحنان ليا يجود
لو كل قلوب الناس حواليا اتجمعت
قلبك ياامى هو بحر مالوش حدود
ابنى وبنتى وكل عيشتى من رضاكى
بيرضى عنى وبيستجيب هو لدعاكى
انت ياامى اغلى شيء فى الكون عليا
ولامرة قلبى بيطمن ويحن لسواكى
ياامى انت اغلى من كل الكنوز
وحياتى ماتكمل الا بدعاكى وايه اعوز
يااغالى حاجه عندى وساكنه الفؤاد
ياجنتى فى الدنيا دايما بيها افوز
يا اجمل زهرة زينت ربيع حياتى
افضل اصونك من مولدى حتى مماتي
ييجى الربيع يوم عيدك تفوح زهورة
وربيعك انت شميت عبيرة يامولاتى
دايما بتحضنى قلوبنا وتغطى بجناحك
وتيجى على نفسك عشانا وتخبى جراحك
وتسهرى دايما على راحتنا طول الليالى
وراحتنا هى اللى تهمك وبتنسى حالك
راوية حسن
ليست هناك تعليقات:
إرسال تعليق