أمي بقلمي يحيى حسين

 أمي

بقلمي يحيى حسين

حضنها وحدة يكفي

أول نور تشوفه عيني

وأول بوسة لضهر كفي

لجميلك يا أمي ما وفي

نهر فايض شلال حنان

بلسم مصفي

كل دم بيجري بعروقي

في الأصل دمك

كل هم من غير ما أشكي

كان هو همك

علشاني تبيعي كل حاجة

ولا شيء يهمك

دا أحلى لحن عشق سمعته

من عزف فمك

دورت عليك يا أمي

في كل واحدة

كل القلوب اللي عشقت

كانت ليا جاحدة

إلا الحبيبة وهي أمي

وهي واحدة

يحيى حسين القاهرة

19 مارس. 2023

عرض الرؤى

معدل وصول المنشور: ١٨

كل التفاعلات:

١ارق ملاك