صدمتني
*****
صدمتني لما ناديتك
وقلتلك
انا نفسي اشوفك
بأعلى صوتك
حسيت بحب قلبي ضاع
تاه مابين لقا ووداع
ساعتها راح مني الآمان
وحاجات كتير ماتت كمان
ماسمعت غير نبض قلبي
يشتكي ويقول ايه ذنبي
بدمع العين مشيت طريقي
وقلتله حبه مش حقيقي
ولاقيتني بجري جوا مني
ادور ع اللى خدعني وقتلني
لاقيته لسه ساكن في قلبي
صرخت انا بأعلى صوت
وكانت صرخة من سكوت
وحاجات كتير بتحاسبني
خلتني اقول إبعد وسيبني
حسيت ان الكون سامعني
وشاهد على جرح قلبي
وسجل معانا قصة وداعنا
مين اللي باع ومين وجعنا
مسكت قلبي وقولتله
اياك من في يوم تحن له
بالقسوة هو ابتدى
وهيلقى قلب يعلمه
بقلمي
سهــ ماجد ــام
ليست هناك تعليقات:
إرسال تعليق