الأربعاء، 15 مارس 2023

( سيبوني أفرح ) خواطر (اشرف الدغيدي) حقوق النشر محفوظه

 ( سيبوني أفرح )

علي إيه بتلموني يا لايمين
وعلي حبي وهوايا ليه حاسدين
كنتوا فين لما كنت باتعذب بقالي سنين
مستني حبيبي يجيني عشان اعيش
لا كنتوا بنار أشواقي حاسين
ولا كنتوا حاسيين بعذاب قلبي
ولا شايفين في عيوني دمعي
ماتعرفوش ألم الماضي وعذابه
والنعيم وياحبيبي اللي عوضني مراره
وحياة غلاوتك حبيبي وغلاة هواك
وحلاوة ايامي ونعيمها معاك
ما أقدرشي اتحمل لوم اللايمين
وكفايه عليا عذاب الماضي وجفاه
وحرماني اللي عشته سنين قبل لقاه
وعذاب وقسوة الحاسدين
ياريتكم تنسوني وما تحسدوني
سيبوني افرح وما تفتكروني
دي سنين العمر ايامها قليله
وساعات الحب ثواني جميله
والوحده ايامها صعبه وكانت قتلاني
ومادام حبيبي دي الوقتي معايا
من الدنيا عليا كفايا
وياك ياحبيبي الدنيا نعيم
ونسيت معاك الماضي الأليم
إوعي تفكر يآحبيبي تبعد تاني عني
وتشمت فيا اللايمين
انت روحي وحبيبي وعقلي
اللي استنيته من عمري سنين
ولو فكرت تبعد يوم عني
هيبات القلب حزين تاني
ولو فكرت يوم تنسانى.
اوعي تنكر ليالي حناني
بعد ماقلبي اتعلق بيك
وروحي صبحت دايبه فيك
من يوم ماحبيتك غيرت كل حياتي
وبقيت إنت الدنيا بالنسبالي
وكفايه اسمع منك كلمه او كلمتين
يصحوا فيا الشوق والحنين
وينسوني أهات البعد والأنين
اللي عانيت منه قبلك سنين وسنين
وكل كلمة من كلامك قولتهالي قلبي لسه فاكرهالك
وابتدى الليل اللي كانت لياليه طويله
ساعاته بتعدي عليا ثواني قليله
دانت يآحبيبي لما بتغيب عني
باسمع نبض قلبك بيندهلي
واحس بروحي هيمانه فيك
حياتي من غيرك ماتساوى لحظه من لياليك
والدنيا وانت مش فيها ومش معايا
بتبقى دنيا مليانه ألم ودموع وانين
رب يخليك يآحبيبي العمر كله ليا
واشيلك في قلبي واخبيك جوه نن عينيا
ومادوق تاني العذاب والحرمان
وما يوم تجرحني الدنيا وتألمني الأيام
خواطر (اشرف الدغيدي)
حقوق النشر محفوظه
قد تكون صورة ‏‏شخص واحد‏ و‏نص‏‏
كل التفاعلات:
ارق ملاك، وElmasry Alshaer وشخص آخر

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...

  • (لا تزال عالقة) بقلم عواطف فاضل الطائي
    (لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...
  • (حكم فاسد)
      (حكم فاسد) أحزاب وكتل دمرو لعراقي وشتترجه بعد من حاكم وفاسد وكلها التحچي بهل يوم وطالب وتحچي اباسم الله وصاير العابد وشباب انباع بالدولا...
  • دغدغه دغدغه
      دغدغه كل حاجه ملغبطه زاي رسمه بشخباطه والملامح مكشره والقلوب بين الضلوع دايبه هاشه مدغدغه ماتت الضحكه حتي وقت الزغزغه والفرحه جايه مجرحه و...