ياكل شاعر إكتب حروف تعيش

 ياكل شاعر إكتب حروف تعيش

ممكن تبقالك نعيم وريش

تابع حروف التفاؤل

ياله نعقلها ونتوكل

-----------

أحيانا

ألقى الدنيا كلها حنيه

وألوان الطيف بعنيه

وأيادي ممدووده ليه

وسعاده وأفراح حواليه

وحاجات كتيره مش شويه

أقول الله الله

دا الدنيا لسه بخير

*

وأحيانا

ألقي الدنيا خرم إبره

ما تعدي رقم فى نمره

وقلق وزهق وخطره

وأفكار كتيره وبكثره

وخوف دايم من بكره

وحلقي ناشف حجره

أقول لاء لاء لاء

فيه حاجه غلط

دا ربنا كبير

*

أتاري

كل شيء مننا

من جواانا ونفسنا

وإحنا بنأزم حسنا

ونعمل سكه على قدنا

(ونقنن قانوون لقلبنا)

بلاش ده

ممنوع ده

وناسين خااالص ربنا

إللي خلق الدنيا ملكنا

وادانا نعمة الكلام والتعبير

*

ياله نعقلها ونتوكل

ومن الحزن للفرح نتحول

وف بساتين الأمل نتجول

(ما حدش عارف)

مين هايموت الأول

(ولا مين هايقصر)

ولا مين هايطول

خلوا لله التفكير

خلوا لله التفكير

وعلى الله التدبير

وعلى الله التدبير

------------

الخال عصمت البيلي

عرض الرؤى

معدل وصول المنشور: ٣٨

كل التفاعلات:

٥الخال عصمت، وارق ملاك و٣ أشخاص آخرين