مجلة نداء الرؤح لفرسان الكلمات: ـــــــــ([ سنة مضـــت و عــام أتِ ])ــــــــ بقلم .. د. محمد مدحت عبد الرؤف

الأحد، 1 يناير 2023

ـــــــــ([ سنة مضـــت و عــام أتِ ])ــــــــ بقلم .. د. محمد مدحت عبد الرؤف

ـــــــــ([ سنة مضـــت و عــام أتِ ])ــــــــ

سنة مضت 
و من قبلها سنين تانيين ...
فيها ناس رايقة 
و ناس فيها كثير تايهيين ...
سنة كلها ملل و احزان
لا يوم فيها بالفرح حاسين ...
فيها ناس جديدة بتتولد
و ناس كثير ضايعين ...
و ناس الملاهى وخداهم
و ناس م الحروب فانيين ...
تمـر أيــام و تيجـى أيام
و فى عـز النهـار نايمييـن ...
من الحســرة إيدينا مكتوفة
و من حوالينا مش عارفين ...
نساند مين ، نعاتب مين
و إحنا بين هؤلاء واقعين ...
ناس طمعانة و لا بتندم
و ناس مخدوعة 
و فى الهَم عايشيين ...
ناس الغرور عاميهم
و بالذنوب حاملين ...
و ناس غلبانة فقيرة
تقول ساعدونا يا محسنين ...
لعل الخير فى الجديد نلاقيه
أن يصلح البال حين للمولى داعيين ... 
و أصحاب الشر يتراجعوا
دى دنيا فانية و عنها فى يوم رايحين ...
يعملوا حساب للآخرة 
اللى فيها نار مثواها للمتكبرين ...
فيارب نسألك الرضا فى عامنا الجديد 
أن تنصرنا على أعدائنا و لأبواب الخير فاتحين ...
و ان تتفتح قلوبنا و تبصــر
 فنحن بقدرك راضيين ...
بقلم .. د. محمد مدحت عبد الرؤف
Mohamed Medhat.