كلمات الشاعر الفنان رزق جادو
مصر .. دمياط ..
(( إياك تنسى انك إنسان ))
(( كلمات أغنية تكسرالدنيا ))
((تستحق كلمات بها رسالة ))
إياك تنسى انك إنسان
أعظم مخلوق للرحمان
خلقه في أحسن صورة كمان
عقل وفكر كلام ولسان
الإنسان هو الإنسان
في كل الدنيا وكل مكان
عمر الدنيا ما كانت غابة
ليه عايزينا نبقى ديابة
ليه نتنمر ده إحنا غلابة
ليه يتحكم فينا شيطان
إحنا أصلنا كلنا واحد
مهما إختلفت الأديان
دمنا واحد شكلنا واحد
مهما كانت الألوان
عايزين نبقى الكل في واحد
من غير عنف أو عدوان
عايزين بكرة الحب يسود
حرص الناس على بعض يعود
يبقى الخير هو الموجود
وميبقاش للكره مكان
قبل ماتكره اوتتنمر
أعرف أن الكره يدمر
عمر الكره ما عاش ولاعمر
عيش بالحب تعيش كسبان
نظرة كره أو استهزاء
ليه بتخرب في الأشياء
ليه تتعدى بأي عداء
أو بتسب غيرك بلسان
عايزين نبقى الكل في واحد
من غير عنف أوعدوان
عايزين بكرة الحب يسود
حرص الناس على بعض يعود
ويجمعنا أمل وأمان
ويجمعنا أمل وأمان
إياك تنسى انك انسان
إياك تنسى انك انسان
كلمات الشاعر الفنان رزق جادو
مصر .. دمياط
ليست هناك تعليقات:
إرسال تعليق