العين و الرمش

 العين و الرمش

كنت فاكر اني قادر

علي العيون و الرمش

كنت فاكر اني

محطم قلوب العذاري

وان عيونهم ما بتنمش

كنت فاكر ان حواء

بوش واحد

طلعت بسبعين وش

طلعت وشوشهم كتيرة

ومتكحلة بالغش

اه منك يا حواء

واه من العين و الرمش

طيب ما تريح دماغك

وابعد ياعم عنهم

قولت بصراحة

ما اقدرش

هيا العيشة تبقي عيشة

من غير حواء

حتي لو عيوني ما بتنمش

احبك يا حواء

واحب العين و الرمش

واللي يقول غير كده

يبقي اكيد ما يفهمش

والحياه من غيرك يا حواء

والله ما تسوي قرش

دول مصابيح البيوت

ومن غيرهم

بيوت ضلمة وش

اشتقت لنظرة عيونك

ومعاها غمزة رمش

ياأم العيون السود

ومتكحلة بالرمش

بقلم

احمد محمود

من ديوان سكة العاشقين

عرض الرؤى

معدل وصول المنشور: ٣١

٢ارق ملاك وشخص آخر

٨ تعليقات

أعجبني

تعليق

إرسال