اه منك ياللى بتهوانى
هان قلبى وترضى بهوانى
لو كنت فى يوم انا غالى عليك
لتكلمنى كل ثوانى
اه منك وانت اللى ظالمنى
وفرحت وقولت ده عينه منى
اتاريه بياع وكمان لواع
وماصدق راح وبعد عنى
اه منك وانت اللى ناسينى
وده بعدك والله على عينى
قلبك طاوعك تبعد عنى
وخلاص ده مابينك ومابينى
اه منك وبتجرح فيه
ورضيت انا بجرحك ليه
ياخسارة قلبى اللى اختارك
واكيد العيب ده موش فيه
اه منك واختارك قلبى
وبوحت ولا اقدرت اخبى
مسكين قلبى والله بحبك
عمال يتوجع ايه ذنبى
اه منك قلبى انا مسامح
مع انك سايبنى ورايح
روح مطرح ما انت تعوز
انا قلبى مابقاله ملامح
راوية حسن
ليست هناك تعليقات:
إرسال تعليق