اغنية
الاغنيه مسجله مصنفات فنيه
(يا عم روق)
كلمات ادهم العوضى
أدهم عبده مجلى
يا عم روق بقى وبلاش تشيل الهم
ده الجرح مهمأ كبر مسيره يوم يتلم
ولو باعوك الناس هتلاقى ناس تهتم
والجرح لو من حبيب الدمع ينزل دم
امسح دموعك بقا وبلاش فى يوم تنزل
ده مهما طال الشقى لازم فى يوم تعدل
والدنيا على ده و ادا وهو ده المهم
موال
امسح دموعك اه يا قلبى
وبلاش تنام فى يوم باكى
ده الفرح لو كان متخبى
مسيرنا نحكى ونتحاكى
ونقول كلام م اللى نحبه
وحبيبنا راح نسكن قلبه
وافرح واغني مع الدنيا
وامتى بس انا هالاقاكى
روق. اه يا عم
★*★*★*★
يا قلبى انسى اللى جرالك
لو كنت عايز تتهنى
متقولش ليه ده كان حالك
ده الكل عايش يستنى
وخلى بالك ده نصيبك
والحب عمره ما هيسيبك
والناس قلوبها ما هيش خاليه
واهى عايشه برده بتتمنى
روق. اه يا عم
★*★*★*★
يا اللى انت قلبك كان مجروح
لازم فى يوم هتلاقى دواه
لما الحبايب تيجى وتروح
هتلاقى حب تعيش وياه
وتعيش حياتك فى الفرحه
والدنيا تلبسلك طرحه
وبلاش من الناس الجارحه
ده مسير هواك يجى مع هواه
روق اه يا عم
★*★*★*★
يا قلبى فرحنى وخلى
الدمعه ما تلاقى عيونى
دانا عمرى ما استنى محلى
واعيش حياتى مع ظنونى
انا عارف الدنيا جميله
هيكونلى م الاحباب عيله
وافرح واعيش فرحى معاهم
وهانسى كل اللى فاتونى
روق. آه يا عم
★*★*★*★
كلمات/ادهم العوضى
أدهم عبده مجلى
ليست هناك تعليقات:
إرسال تعليق