الأربعاء، 21 ديسمبر 2022

بقالى كتير

 بقالى كتير

بحاول أفك ألغازك
منيش لاقى لها تفسير
فى لحظه بتبقى فرحانه
ولحظه تبقى زعلانه
وكل يومين بشوف فيك 200 تغيير
ورغم وشوشك العدة
أنا عاشقك
أنا راسمك
على ورق الغرام
200 نجمة وبدر كبير
ونيل داير على وردة
بيرويها فى عز الليل
أنا راسمك على ورقى
عيون حلوه وشمس أصيل
وضحكه منورة العالم
وملهاش فى الوجود تمثيل
أنا حاسس معاك حبيبتى بالسلطه
أنا حاسس كأنى بطير
كأنى وزير
كأنى امير
وانتى مليكة العالم وست الكون
وتاج راسى
ونبراسى
واحساسى اللى كان تايه
بقاله سنين
على دربك لقيت فى الوجود جنه
رسمت النور على خدك
بماء الورد والحنه
بعطر الفل والياسمين
يا نور العين
يا موالى اللى فيه برتاح
يا ثمرة شجرة التفاح
يا أحلى عطر فى الدنيا جميل فواح
يا سحر الليل ونور الفجر اللى بيشقشق
مع الإصباح
بلاقى فى قعدتك
دنيايا فيها براح
بحس فى قعدتك
كأنّى فارس من الفرسان
وراكب مهره بلون أبيض
ومطلوقه
على الغيطان
وكاسرة قواعد الدنيا
حدود الصمت والكتمان
حدود الوقت والمكان
ومن غيرك أنا غلبان
أنا مسكين
أنا داير فى كل طريق
أنادى عليكى محبوبتى
يا ست الكل فين أرضك
وفين نيلك
أنا طيرك حزين عطشان
فكيف أوصل وأجيلك
وأغنيلك
بناى الحب أغنية
يا وردة جوه زهريه
بترويها عيون الليل مع الميه
فتضحك ضحكه جنونيه
تخلى ليالى الحزن جوة القلب منسيه
تنسينى العتاب واللوم
تخلينى أروح فى النوم
وأحلم بيكى جنيه
بتخطفنى تودينى هناك لبعيد
على جناحها
دموعى هي تمسحها
تقولى كلام
جروح القلب تريحها
وأكون راضى
وأكون هادى
وأكون مبسوط سعيد
فرحان
بتخدينى على رمشك
تحطينى بنن العين
وترقينى بالبخور هندى من الأحزان
اللى جوايا بقالها كتير
بقالى كتير
بحاول أفك ألغازك
ومش عارف
ومش عايز أكون عارف
كفايه ان في وجودك
يكون سيل الشعور جارف
ارق ملاك
تعليق واحد
أعجبني
تعليق
إرسال
في

ليست هناك تعليقات:

إرسال تعليق

الاشتراك في: تعليقات الرسالة (Atom)

(لا تزال عالقة) بقلم عواطف فاضل الطائي

(لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...