مجلة نداء الرؤح لفرسان الكلمات

 فى حٌب مصر بقلم أحمد شاهين

لفيّت بلاد الله ما لقيّت زيّيها

مش شرط مال ولا جاه أصلى عِشِقتّها

بلدى ولو عريان خيشّها بيدفى

وكفايا بعد ما أموت هيقولوا إبنها

*****************************

قالوا المعيشه غّلا والدخل ما بكفِيش

وزيت وسكر عِلا فاضل رغيف العيش

قولت بلادى عظيمه ما بتنِسى أولادها

والحّق دا جهادها وظٌلم تانى مفيش

***********************************

كافر بأى خراب كافر بأى فساد

ولا حنا كنا عبيد ولا هما كانوا اسياد

كل الحكايه اننا دايما نسيج واحد

بنوحِد الواحد وبنهِزم الأوغاد

***********************^****

يا مصر قومى انهضى النومه مش ليكى

ولا مره تتردى تحمى أراضيكى

شعبًّك وجيشك وتد دستورك القرأن

بالعِلم والإيمان تسلّم خطاويكى

***********************************

كلمات أحمد شاهين

عرض الرؤى

معدل وصول المنشور: ٨

٢Ahmed Mohamed Ahmed Shahen وارق ملاك

تعليقان

أعجبني

تعليق

إرسال