سواح و ماشي بدون هدف

 سواح و ماشي بدون هدف

بهرب من ظلم البشر

سايب بلادي و مهاجر

من كتر الظلم اللي انتشر

الناس بقت غاويه خداع

والحق فيها اندثر

فاكرين الظلم فهلوه

وفي الحقيقه كذاب أشر

وبكلمه بيضيع حقوق

والصادق بقه حظه عسر

وفي الشهاده يقول الزور

ويلعب على كل وتر

من أجل حفنه من المال

فاكر هايغير القدر

دكتور و يكشف على مريض

يسقيه الوهم كالمطر

اعمل أشعه و تحليلات

وبسرعه ربنا يستر

وكام روشته بمال كتير

أصناف ملهاش أثر

يجري يلف على الصيدليات

كأنه عذاب و كدر

والوهم يركب المريض

خايف على نفسه متوتر

كله من أجل القرشينات

يخلي حياته عبر

جايب أجهزه بأقساط

مايهمهوش ظلم البشر

(((أسامه جديانه)))

عرض الرؤى

معدل وصول المنشور: ٢١

٢محمد علي فرغلي احمد وارق ملاك

تعليقان

أعجبني

تعليق

إرسال