كنزالحياة
والله يادنيا
لاقصورك
ولا اموالك
ملياراتك وملايينك
مش هما دول كنوزك
كل شيء فيك
مايساوش حاجة
الكنز الحقيقي
هي الصحة والعافية
تسوى الدنيا ومافيها
الحياة من غير صحة تبقى ممات
ياما ناس اغنياء قوي
يتمنوا يخسروا كل مالهم
وترجعلهم الصحة
والالم ياصاحبي مايوجعش غيرصاحبه
الكل يواسي والكل يطبطب
بس ماحسس بالوجع الا اللي بيعانيه
وانت ياصاحبي اللي بتعاني
ماتزعلش وتندب حظك
والله كل انة مرض
تكفير عن ذنوبك
وفيها اجر وثواب
والمريض حبيب الله
ماتنظرش للي مش هو مريض وتتحسرعلى روحك
كلامي ده عن تجربة
فت مشافي كتير
برحلة علاجي
وشفت اهوال كتير
عيانين مش قادرين يسندوا طولهم
وانينهم واصل لسابع سما
بص للعيانين اللي هما حالتهم اصعب من حالتك
تلاقي روحك عايش بنعيم
وربنا حابر بخاطرك
بس خليك دايما مؤمن شاكر لربك
وهو الرحمن الرحيم
قادر يسعد قلبك
بس قول يارب ياكريم
انا راضي بحكمك
واصبر والصبر جميل
وربك هايدبر امرك
عارف البديوي
ليست هناك تعليقات:
إرسال تعليق