(هذا اكروم)

 (هذا اكروم)

شعر عارف شلش الساعدي

گولو اویاي من هو الوزع الثورة

وياهو اليوم ينطي السكن ويوزع

وهذا اكروم وزع كلشي الهلناس

من الوشاش للتاجي الحد ماتوصل المقلع

ونسيت الصلح اوعمر بلادك ليش

ومدينة طبك الموجودة يالتسمع

وجسر الجادريه وعدنه كل مشروع

والخاين ضميره مابعد ينفع

ونسيت الطيبه يبن اشطيط

اوخيسه

وهذيچ الجیفه من تشتمها وك توگع

وتعداد العراق الچان بالسبعه

وموکثرة الوادم هسه من تجمع

واراضي الدوله ميريه وملك للكل

واجاك اليوم حاكم دين اليشرع

تجاوز على الشارع وابااسم الله

ونهب نفطك ابعمه اونوبه امفرع

مليارات ياخذ يبني ببيوته

وصبح يحصد تشوفه وشنهي اشتزرع

و مومثل الياسس دوله والاعمار

والحريه انطه وشعلة والنواب

ودور اهواي وزع گلي لواجمع

واجانه اقطاعي ومعمم بحجة الدين

اشترو هالناس منه وذاك يطوع

وسلبو كلشي العدنه انتهازيه

ورجعنه اليورى وملاچنه الیشبع

وعلى ياهي وشنهي القبض وشبين

والمحتل تحالف وبعهد مقنع

التدمير البلد والناس كل خدام

ورحل صدام گلنه وکلشي نتوقع

وچم صدام یطلع جانه عالمدفع

حتی الاضرحة تلزمها هالتجار

يبني المول احس من يكبس اويرفع

وابناء الحشد تحمي اعراض الناس

ونذر روحة أعلى ذاك الموت اهو المسرع

وابو العمه الحرامي عالمتابر صاح

وشرب دم الشهيد وما هو اليقنع

ويدرس هالفقة سنتين ويوعي

ويصعد عالمنابر وانته التبلع

وعلى ذاك الخمس ايكرر اويحچي

وذاك الي يزكي منه اويدفع

وقاري أعلى المنابر بس لطم وبنوح

ولو تحچي الصحيح الياخذه مربع

ذباحة يخوي وغيرو كلشي

وكل طيبه الچانت عدنه انودع

چاو ین القیم لوذيچ الاخلاق تکون

عقل قافل وبس عالبوگ الیفزع

وبيوم الزيارة تگول من هو الباگ

یلطم عالحسین انشوفه اویرکع

وحرامات التعب ویاك يالقافل

يالمالك ضمير وتعرف الواقع

وگولو اویاي ياهو الوزع الثورة

وبس عبد الكريم العدنه الوزع

وهايبن العروبه اطلع اوفزع

هايكروم اطلع عدنه اوفزع

٦٦

٧ مشاركات

أعجبني

تعليق

مشاركة