تاه الولد بره الميدان
جدل الشهود
دا صابو جان
الشيخ فلان مخاوي جان
خدوا بعضهم راحوا لفلان
قال دا خرج بره الزمان
راح يحضر بس نصبر
محتاج مطالب يااخوان
طلباته كانت كلها شغل شيطان
لفوا على الأسواق
راح نرضي جان
رجعولوا قالوا
طلباتك ذل وهوان
قال هاتوا كام ألف جنيه
اربطهم على ديل تعبان
ينفخ بصوته في الميدان
مر يوم أو يومين و يومين كمان
والولد لم يظهر ولا يبان
مر الولد جوه الحواري
بين الشوارع مش داري
لف الولد وقت العصاري
على باب محل يلعب اتاري
لامعاه فلوس وجيبه خالي
صاحب المحل شاف الولد
منين ياابني قولي ياغالي
قالوا انا تهت من كام يوم
وكان معايا اهلي وناسي
من يومها في الشوارع ماشي
انت منين اياك تداري
مااعرفك غير اسمي وابويا
وكنا فين انا برده ناسي
صاحب المحل عمل معروف
راح قسم شرطة
والولد جواه الخوف
اخدوا صورة للولد
نشروه في كل مكان
ومر مده من الزمن
نسوا الولد ونساه الزمان
وفى ليله بيلف أبوه
فرح لابن الجيران
صاحب المحل كان معزوم
والولد معاه فرحان
شافو ابوه في الفرح
قام قلبه لان
ولاما آان الاوان
رجع الابن لحضن ابوه
وفرحوا الأهل والجيران
والشيخ فلان دجال جبان
لما قال خرج بره الزمان
ولا المال ربطه على ديل التعبان
عرف ولادك اسمهم واسم المكان
لما يتوهوا يعرفوا
اسمي فلان وابن فلان
وفي لحظه يبان
ولا تحتاجوا للشيخ فلان
(((أسامه جديانه)))
ليست هناك تعليقات:
إرسال تعليق