* * * فوق بقي* * *
للشاعر /صابر الشناوي
فوق بقى وإنسي الحلم
إصحي. خلاص كفايه
حلمت. بيه يومين
ضيعت عمرك في الهوا
وإنت إديك. متكتفين
بين. ظروف وبين كسوف
دايما عنيك. متكحلين
بدموع ساكنها ألف خوف
خايف تصحى من المنام
ولا من البوح بالكلام
عقلك حصان جامح قوي
لكن له مليون لجام
كل شيء له تمن
حتى العواطف والمشاعر
بقو مرهونين بالماديات
لو كنت حتى ألف شاعر
وكتبت ياما كتير حاجات
الدنيا يلزمها المظاهر
أما القلوب في الفترينات
معروضين مش للمشاعر
للي معاه تمن. الحاجات
حركها يلا إن كنت شاطر
من غير فلوس ولا ماديات
وإنت تايه في الحياه
مستني زمن المعجزات
لو كل عاشق نال مناه
والحلم جوا الحض بات
مكناش سمعنا ألف آه
ولا القلوب تعبت ساعات
لو الغريق لقى طوق نجاه
مكنش جوه البحر مات
الحب أصبح. منتهاه
تنهيده مع حبه سكات
أو غنوه تسمعها لنجاه
فوق خلاص العمر فات
وإنت نايم في الخلا
كسر بواقي الذكريات
طوحها يلا في الهوا
من النهارده الحب مات
ورفضنا ناخد فيه عزا
ليست هناك تعليقات:
إرسال تعليق