جري إيه ياقلبي

 جري إيه ياقلبي

كنت حتفضل مستنّي

وف حبها ترقص وتغنّي

وتقول علي قلبك متهنّي

وبتلعب بيك

عن حبك قافلة للشبابيك

وتقول بلسانها مش قلبها

أنا بهواك وكدبها

للكل ظاهر إلا ليك

ياعيني عليك

ليها عاشق

سهم الحب ف قلبك راشق

حبك ليها ميّه وأكل

زاد عن حده غريب بشكل

شايفه ف أوفي واحدة

ولغرامك هيه جاحدة

صوتها زقزقة عصفور

وشها بدر وكله نور

مراية الحب قالوا عامية

وسكينته ياخلق حامية

كل الناس عارفاها خاينة

وخيانتها واضحة وباينة

لما تكون عايزاك بهواك

أنت حبيبي أنت ملاك

خلصت حاجتي من جارتي

الطم واصرخ آه ياحيرتي

قلبي الخايب كان بيدوب

ف حب خاينة باينة لعوب

كاسرة قلوب

وحريفة

بسمتها شريفة

تقابل حبك بالتشريفة

وكلمة لطيفة

وبتصقيفة

وبتنهيدة

تلاقي القلب ف دنيا جديدة

حلم جميل

تلاقيه كابوس

وتدوق الويل

عليك تدوس

يتهد الحيل

اوعي حد يقرّب

من جمالها بسرعة اتهرّب

عاملة زي النداهة

تروح ف متاهة

تسحر قلوب بسحر عيون

وكعب محنّي

وف حبها كل حبيب يرقص ويغنّي

كلمة حكيمة وقيمة وسيما

الواقع أحسن من التمنّي

اوعي تغني

هشام سليم

شاعر الحرافيش

عرض الرؤى

معدل وصول المنشور: ٣٠

١١

٤ تعليقات

أعجبني

تعليق

إرسال