.......... ورا الشــباك ...........

 .......... ورا الشــباك ...........

بعز الليل وانا مارر

قبل بيتكم

ببص اشوف

خيال طيفك على الشباك

وبعمل نفسى مش شايفك

بطرف العين بشوف ننك

واحس برعشه بشفايفك

وأقول يمكن تكون ناسيه

وبرد الليل

بيتعبها طب أندهلك ؟

أخاف أنده لتدارى

واخاف أنده يقـوم أهلك

وتبقى فضيحه تتعبنى

أروح ماشى

وسايبك واقفـه بالشباك

*****

أروح دارى وانا فاكرك

ويسرح فكرى بملامحك

وأتقلب على سريرى

وتيجى أمى تصحينى

مالك يابنى

ألاقى نفسى وانا بصحى

أقول إسمك

وتضحك أمى جتك واكيه

غلطت بإسمى يامنيل

وأتوه بالكلام واضحك

أشوف أمى بها صورتك

أقوم أجرى واتسحب

بعز البرد على بيتكم

وأتخبى بسور غيطكم

عشان ألمح خيال طيفك

وإنتى واقفه بالشباك

*****

يابنت الإيه ياعفريته

مجننى الهوا فيكى

مدوخنى جمال عينك

وشوقى نار بتكوينى

ويجى الليل وأتجنن

ونفسى أرسى موانيكى

مدوخنى جمال خدك

مدوخنى جمال قدك

يابنت الإيه ومين أدك

وكل البيت مداريكى

وانا من عشقى هتجنن

ونفسى أمر وأغمزلك

ونفسى أجى وأتصاحب

مع الشباك

*****

بحب الطرحه على راسك

واحب الكحله فوق رمشك

ونفسى أجى وأكتبلك بكراسك

بحبك فوق ضلوع جسمك

وأرسم ورده على إيدك

وأحس بكلمه من همسك

وأحلم إنى بأحضانك

وعينى شايفه سواد رمشك

وأنا بحلم بلاقى

الشمس طلعالى ومانمتش

وأبوكى بينده

يا بن الكلب واقف ليه

أقول تعبان

وانا بالأصل متعبتش

وأروح ماشى وأنظرلك

أشوفك قاعده تبتسمى

ورا الشباك

أنا هاجى وأعود تانى

داحبك هو عنوانى

وهتحدى رجال الكون

ومهما قلتى إن أنا مجنون

هيجى اليوم وأندهلك

من الشباك

.............احمد عامر ............

ننوه ان ماينشر حق مسجل بالهييات المنوطه بذلك 2015

٥Ahmed Amer و٤ أشخاص آخرين

٨ تعليقات

٤٠ مشاركة

أعجبني

تعليق

مشاركة