الدنيا علمتني

 الدنيا علمتني

مش كل قلب دق دقه

صار حبيب

ولا كل قلب قال بحب

ناخده حبيب

ياما قلوب خدناهم سكة

وعاشوا بينا عيشة الغريب

خلو القلب يقول يارب

أشفي قلبي ومنهم أتوب

الدنيا علمتني

قلبي خلاص أنفطم

وفهم الدنيا صح

من كتر ما شاف وأنحرم

من كتر ما عاش وأنصدم

من كتر مافينا جرح

الدنيا علمتني

بعد ما خبرتني

ياقلبي ما تأمنشي

لضحكة ضحكت لك

لغمزة غمزت لك

وكلمة حلوة جاتني

قلبي خلاص أتعلم

وصعب تاني يتألم

وفي الهوى بقى معلم

وبيشفي أى جرح

الدنيا علمتني

الحب مش لعبة

ولا كلمة في نزوة

ولا ضحكة في سهرة

الحب روح وصدق

الحب كلمة طاهرة

وقلب أصيل يدق

الدنيا علمتني

كلمات \ محمود صلاح

عرض الرؤى

معدل وصول المنشور: ٣٥

١١

تعليقان

أعجبني

تعليق

إرسال