بنت ليل (497)
...........
قالوا بنت ليل
أحضانها ويل ونداها مر
وغصون بتنزف عطرها
لا القلب داق
يوم فيه فرح
ولا ليل يسر
جوايا كارهه أكون أنا
فى الوحل أجر ..
ولا حد حاسس أيه وجع
ولا داق ده مر
مر الألم على شوك جسد
تاه ضي ليله
عايش في ضلمه لقمته
وشراب أسيره
قالوا مريضه
مافيش أمل ألغاز وحيرة
لا فكرت في نفسها له شهور طويله
كاتمه دموعها وحزنها
ورا وش عيرة
ومين هيرعى أمها
أغراب لا عيلة
ما الفرع دايب من زمان مقطوع دي سيره
بين أيدها ماتت بنتها
ولا لاقيه حيله
كل البيبان إتقفليت
والفقر شيله
باعت جسدها للوجع
لليل أجيرة ..
جواها مات والعمر فات
ضحكتها مره
وندامها سابق دمعها
نفسي أبقى حرة
وأكسر قيودي
لا ليل قسى وأتوب لمره
بقلم .. صبري رسلان
أعجبني
تعليق
إرسال
ليست هناك تعليقات:
إرسال تعليق