الحق .. بيزعل .. علطول
*******************
قلبى تملى حمال الهموم
بالى بحال البشر مشغول
بيسيب هم يلاقى هموم
قلب السر بالأنانية مغمور
محدش على غيره غيور
واخدين الدنيا عرض وطول
الحق بين الضلوع مكتوم
اللسان من نطقه محروم
الكل بيفضل عنه يصوم
صعب تدق له الطبول
انتظاره ببكرة مش منظور
بندور ع الهنا والسرور
طب أزاى والحق معدوم
اللسان بينطق بالزور
عن الحق تملى مشلول
اللسان اصله معزور
الحق بيزعل علطول
توهنا عن المثل والاصول
أختارنا الظلام سيبنا النور
البشر بالدنيا مغرور
فكره له هتدوم
نهايته ع الاكتاف محمول
ده قدر له ومقسوم
أخرته التراب عليه مردوم
عن الحق امام ربه مسئول
مش هينفع عتاب ولوم
ناصر الحق لو بالدنيا مظلوم
بس من ربه نهايته منصور
*******************
بقلم
عادل جاد
ليست هناك تعليقات:
إرسال تعليق