(اضحك وابتسم)
ولك شيل الهموم وطلع البسمه
واضحك للوكت
والدنيا تضحكلك
حياتك ماهي تسوه
شما كبرت اتعيش
اشوفك تنسي
حتى أولادك واهلك
ومن هو الينفعك لوجاك ملك الموت
اوگف عالراس يقبض
نفسك ايعدلك
ونفس يصعد اوينزل وتدري كلها تشوف
ومن تصبح اجنازه
محد ايصد لك
وكلها تصيح خلنه انشيله انوديه
ويذكرون اسم الله
الذاك اليحملك
واسم الله اكبر
كلها التردد
وبس لفظ الجلاله البيها التشملك
واسم النبي الاكرم
ينلفظ مسموع
وذاك الي يكبر
تسمعه رددلك
واليشيعوك كثره
والنعش ينشال
وتوصل للمغيسل
الجسمك ايمدلك
وچفن زين ويصح
ومسچك وكافور
وذاك الي يشطفك
حتى ويغسلك
وتصل للمگبره واحبابك الوياك
وحفرولك گبر
واليصرخ ايهدلك
وذاك الطم صدره
لو يشگ الزيج
والخرمش اخدوده
ابتربة يمتدلك
وهالو هالتراب عليك
اليدفنوك ميشوفوك
وعافوك ارجعو
من چانو الحولك
وبنص الطريق اتغير
شماچان من موضوع
جابولك اكل
ينساك اليبدلك
وصفت كلها نفس
هاي الطريقه تكون
وذاك ايجر تشوفه
وذاك اليعتلك
وهذي تجربه
يالرايد اتجرب
صديق بساعة الشده
تدري ايهملك
بعد ياحزن
والورث موجود
وكلها تريد حصه
ومحد ايقبلك
اثاري الناس كلها
اعلى الطمع ترتاح
بعد لامن صديق ولااخو ايمثلك
خل ننسى الحزن
وبينه الالم موجود
والياخذ الحصة
تشوفه يبعدلك
ودنياتك فلاتسوه الحزن والظيم
وشتريد اختصرلك
واحچي لو اكلك
شعر عارف شلش
الساعدي
العراق بغداد
ليست هناك تعليقات:
إرسال تعليق